「餃」子都有鈉？

無論係烚定係煎，係單食、配飯定配拉麵，餃子都係唔少人嘅心頭好。但係食落肚嗰隻（ 或者十幾隻）餃子有幾多鈉，你又知唔知？
有研究顯示，餃子嘅鈉含量屬於中等，但唔同品牌餃子嘅鈉含量差距比較大，另外唔少人食餃子嘅時候都鍾意沾醬，例如係相對高鈉嘅豉油，咁樣鈉攝入量就有機會增加，鈉上加鈉，真係「餃」唔掂㗎！
想食得健康啲，買預先包裝餃子時記得細閱營養標籤，揀選鈉含量較低嘅餃子產品；其次，沾醬時節制一下、注意份量，甚至可以揀「走醬」，直接享受餃子嘅原汁原味！
預防高血壓，可以透過均衡和低鈉低鹽的飲食 、保持理想體重及腰圍(體重指數少於23公斤／米2，男性腰圍少於90厘米，女性腰圍少於80厘米)、戒煙、 避免飲酒和適當處理壓力。