唔Yum不傳體驗青山道嘅獨有風味

嚟到青山道，點可以唔搵間大排檔大快朵頤一番！有啲朋友唔肯定大排檔搵唔搵到少鹽少糖嘅好滋味，其實只要揀啱地方，一樣可以食得健康又滿足！今日小編就搵咗兩間屬於少鹽少糖食店嘅人氣大排檔推介俾大家；想品嚐鑊氣十足嘅馳名小炒？金豪酒家係你嘅不二之選！如果想同三五知己打住邊爐傾下計，大煲皇小廚嘅火鍋絕對係首選啦！

如果只係兩個人想簡簡單單食餐飯，都可以去牛奶冰室或者大快活，環境舒適又方便，性價比仲好高！食完仲可以去清玉飲杯減糖茶飲，健康又滋味，為幸福嘅晚餐畫上完美句號！清玉亦都參加咗「少糖星期五」活動，如果大家喺星期五到清玉買指定減糖茶飲，有減兩元優惠㗎。

另外提提大家，去到少鹽少糖食店都要記得叫少鹽少糖菜式；另外落單時記得提出「少鹽」/「少汁」/「汁另上」/「少甜」等減鹽減糖要求，咁樣就一定食得開心又健康啦！